पाटन अस्पतालबाट कोरोनामुक्त भएका एक व्यक्तिमा पुन: संक्रमण

काठमाडौँ, २३, बैशाख । पाटन अस्पतालबाट कोरोना मुक्त भएका सनसिटी अपार्टमेन्टमा बस्ने एक जनामा पुन कोरोना संक्रमण देखिएको छ । डिस्चार्ज भएको ११ दिनपछि पीसीआर विधिबाट परीक्षण गराउँदा ५८ बर्षिय पुरुषमा पुन: कोभिड – १९ पोजेटिभ देखिएको हो ।

उनको फलोअप आउँदा पुन परीक्षण गरिएको थियो । स्वास्थ्य मन्त्रालय स्रोतका अनुसार उनलाई अहिले पाटन अस्पतालको आइसोलेसनमा राखिएको छ । उनी र उनकी ८१ बर्षीया आमा गत ११ बैशाखमा कोरोना मुक्त भएर डिस्चार्ज भएका थिए ।

उता वीरगञ्जस्थित नारायणी अस्पतालबाट कोरोना मुक्तभएका दुई जनामा छ दिनपछि परीक्षण गर्दा पुन कोरोना पोजेटिभ देखिएपछि अहिले पुन आइसोलेसनमा राखिएको छ । ४८ घण्टाको अन्तरमा लगातार गरिएको तीनपटकको जाँचमा रिपोर्ट नेगेटिभ आएपछि गत १४ बैशाखमा डिस्चार्ज गरिएका उनीहरुको १८ बैशाखमा जाँच गर्दा पुन कोरोना पोजेटिभ देखिएको हो ।

कोरोना पोजेटिभ देखिनेहरुमा एक जना रौतहटका र एक जना भारतीय मुल व्यक्ति छन् ।

यो पनि हेर्नुहोस्….

वीरगञ्ज : तीन पटकको परीक्षणमा कोरोना नेगेटिभ, चौथो पटक परीक्षण गर्दा पोजेटिभ !

समाचार / स्वास्थ्य सामाग्री पढनु भएकोमा धन्यवाद । दोहरो संम्वाद को लागी मेल गर्न सक्नु हुन्छ ।
सम्पर्क इमेल : nepalihealthnews@gmail.com

Leave a Reply

Your email address will not be published. Required fields are marked *