एमबीबीएसमा ७८ प्रतिशत, बीडीएसमा ३९ प्रतिशत उत्तीर्ण
काठमाडौँ, ११ साउन । नेपाल मेडिकल काउन्सिलले आज सञ्चालन गरेको नाम दर्ता (लाइसेन्स) परीक्षामा ७८ प्रतिशत उत्तीर्ण भएका छन् । एमबीबीएस र बीडीएस परीक्षा उत्तीर्ण भएकाहरुले दिएको परीक्षामा एमबीबीएस तर्फ ७८ प्रतिशत र वीडीएस तर्फ ३९ प्रतिशत उत्तीर्ण भएको काउन्सिलले जनाएको छ ।
काउन्सिल सदस्य प्राडा ढुण्डी पौडेलका अनुसार यसपटकको परीक्षाका लागि एमबीबीएस तर्फ १ हजार ६८१ जनाले नाम दर्ताका लागि फारम भरेका थिए । त्यसमध्ये ८ जना अनुपस्थित थिए । परीक्षामा एमबीबीएस १ हजार ३११ जना उत्तीर्ण भएका छन् । यस्तै बीडीएस तर्फ ३५३ जना सहभागी थिए त्यसमध्ये १३८ जना मात्रै पास भएका छन् ।
परीक्षाको संयोजक बनेका डा पौडेलले अघिल्लो पटकको तुलनामा यसपटक नतिजामा धेरै सुधार भएको बताए । यद्धपी साढे तीन सय बढी परीक्षार्थी अनुर्तीण हुनु चिन्ताको विषय भएको बताए ।
आजको परीक्षा सानो भर्याङस्थित नेपाली सेनाको स्वास्थ्य विज्ञान संस्थानमा भएको थियो ।
सम्पर्क इमेल : nepalihealthnews@gmail.com