काठमाडौँ, ३ चैत । नेपाल नर्सिङ परिषदले शनिबार लिएको नाम दर्ता (लाइसेन्स) परीक्षामा ६२ प्रतिशत पास भएका छन् । शनिबारको परीक्षामा नर्सिङ अध्ययन पुरा गरेका २ हजार ८०७ जना सहभागी भएका थिए ।

ती मध्ये १ हजार ७२७ जना (६१.६ प्रतिशत) पास भएका हुन् । बाँकी १०७८ जना ( ३८.४ प्रतिशत) फेल भएका छन् ।

काउन्सिलकी रजिष्ट्रार विन्दा घिमिरेका अनुसार लाइसेन्स परीक्षाका लागि २ हजार ८३१ जनाले फारम भरे पनि २४ जना परीक्षामा अनुपस्थित देखिए ।

बर्षको तीन पटक लाइसेन्स परीक्षा लिने नेपाल नर्सिङ काउन्सिलले शनिबार लिएको २१ औँ नाम दर्ता परीक्षा हो ।