रौतहट २९ साउन । सुत्केरीका लागि अस्पताल लैजाँदै गरेकी एक गर्भवती महिला सहित ६ जनाको मृत्यु भएको छ । परोहा गाँउपालिका ३ लौकाहाका चन्दन यादवकी  गर्भवती श्रीमती सर्मिला यावदसवार गाडीलाई बाढीले बगाएपछि उनीसहित ६ जनाको मृत्यु भएको हो ।

मृत्यु हुनेमा चन्दन यादवकी आमा सुमित्रा देबी, भाउजु ललिता देबी, भतिज सरोज यादव, छोरी छोटु कुमारी रहेका छन् ।

विहान तीन बजे तिर घटेको यो दुर्घटनामा चालक र एक जना भने पौडेर बाच्न सफल भएको स्थानीय आरजु आलमले बताए ।

चार दिन देखि परेको अविरल वर्षाका कारण आएको बाढीले रौतहट पूर्ण रुपमा डुबानमा परेको छ ।