अस्वस्थताका कारण ब्राजिलका विदेशमन्त्रीद्धारा राजिनामा

- नेपाली हेल्थ

रियो दि जानेरो, १२ फागुन । ब्राजिलका विदेश मन्त्री जोसे सेराले स्वास्थ्य सम्वन्धी समस्याका कारण बुधबार पदबाट राजिनामा दिएका छन् ।

उनले राष्ट्रपति मिसेल टेमेरसमक्ष बुझाएको राजिनामापत्रमा अस्वस्थताका कारण आफूले जिम्मेबारी निर्वाह गरिरहन नसक्ने भएकाले राजिनामा दिएको उल्लेख छ ।

उनको वास्तविक स्वास्थ्य अवस्था सम्वन्धी पर्याप्त विवरणहरु सार्वजनिक भएका छैनन् । गत बर्ष उहाँको शल्यक्रिया गरिएको थियो ।

विदेशमन्त्रीको रुपमा सेराले ११ महिना मात्रै काम गर्न पाएका छन् । उनलाई गत बर्षको मे महिनामा राष्ट्रपति टेमेरले विदेशमन्त्रीमा नियुक्त गर्नु भएको थियो ।

विदेशमन्त्री भएपछि उनले सिनेट छोडेका थिए । सिनेट सदस्यको तेस्रो कार्यकाल उहाँको सन् २०२२ सम्मको थियो ।

आफ्नो राजनीतिक यात्राको अधिकांश समय खर्चिएको साओ आउल प्रदेशको सिनेट सदस्यमा उहाँ फेरी फर्किने अपेक्षा गरिएको थियो । रासस/सिन्ह्वा


Facebook Comment


थप समाचार