काठमाडौँ, १९ पुस । त्रिभुवन विश्वविद्यालय चिकित्साशास्त्र अध्ययन संस्थान आईओएमले शैक्षिक सत्र २०७३ ०७४ का लागि एमबीबीएस र बीडीएसमा अध्ययन गर्न चाहनेले पुस मसान्तभित्र भर्ना हुनसक्ने म्याद तोकेको छ ।

आइओएमले प्रवेश परीक्षामा अधिकतम अंक ल्याउने विद्यार्थीहरुलाई मेरिटको आधारमा तयार भएको लिष्ट सबै क्याम्पसमा पठाएको भन्दै सोही अनुसार भर्ना हुन सक्ने समेत जनाएको छ ।

आइओएममा डीन नियुक्तिको विवादका कारण एमबीबीएस र बीडीएसको भर्ना प्रक्रियामा समेत असर परेको थियो । नयाँ नियुक्त भएका डीन प्राडा जगदीश अग्रवालले तीन साता पछि कार्यकक्षमा प्रवेश पाएका थिए ।