काठमाडौँ, ३ असोज । भारतबाट थप ११ टन राहत सामग्री नेपाल आइपुगेको छ ।

गत भदौ १० भोटेकोशीमा आएको विनाशकारी आकस्मिक बाढीपछिको राहत तथा उद्धारमा सघाउन भारतले शनिबार यो सहयोग उपलब्ध गराएको हो ।

नेपालमा आएको भीषण बाढीपछिको अवस्थासँग जुध्न राहत सामग्री बोकेर आएको यो भारतीय वायुसेनाको नवौँ विमान हो।

बाढीका कारण ठुलो धनजनको क्षति हुनुका साथै १४ सयभन्दा बढी मानिसको ज्यान गएको छ भने हजारौँ बेपत्ता छन्।