काठमाडौँ, २० असोज –  जुम्लास्थित कर्णाली स्वास्थ्य विज्ञान प्रतिष्ठानलाई जापान सरकारले २ करोड सहयोग गर्ने भएको छ । प्रतिष्ठानको विकास र विस्तारका लागि उक्त सहयोग प्रदान गर्न लागिएको हो ।

नेपालस्थित जापानी दूतावासका अनुसार प्रतिष्ठानसँगै जापानले स्वास्थ्य क्षेत्र सुधार कार्यक्रमका लागि थप तीन करोड रुपैयाँ सहयोग पनि गर्ने भएको छ ।

दुतावासद्धारा बुधबार जारी विज्ञप्ति अनुसार जापान सरकारले विभिन्न सातवटा परियोजना सञ्चालनका लागि नेपाल सरकारलाई ६१ करोड गर्न लागेको हो ।