काठमाडौँ, ७ भदौ ।  नेपाल मेडिकल काउन्सिलले वीपी कोइराला मेमोरियल क्यान्सर अस्पताललाई एक वर्षे क्लिनिकल फेलोसिप तालीम सञ्चालन गर्न अनुमति प्रदान गरेको छ ।

काउन्सिलको सोमबार बसेको बोर्ड बैठकले क्लिनिकल फेलोसिप तालीम सञ्चालन गर्न अनुमति प्रदान गरेको हो ।

काउन्सिल स्रोतका अनुसार पहिलो चरणमा विभिन्न १० विधामा तालीम दिईनेछ ।

यसअघि क्यान्सर अस्पतालले एक वर्षे क्लिनिकल फेलोसिप तालीम सञ्चालनका लागि काउन्सिलसंग अनुमति मागेको थियो ।

सो माग पछि काउन्सिलले निर्देशिका तयार गरी स्थलगत अनुगमन तथा निरीक्षण गर्न गएको थियो ।सोही आधारमा काउन्सिलले तालीमका लागि अनुमति दिएको हो ।