काठमाडौँ, २१ वैशाख । भारतमा पछिल्लो चौबिस घण्टामा ३ हजार २०५ जनामा कोरोना संक्रमण देखिएको छ।

पछिल्लो समय भारतमा कोरोना भाइरस संक्रमितको संख्या ह्वात्तै बढेको छ। जसकारण त्यहाँको स्वास्थ्य मन्त्रालयले स्वास्थ्य प्रोटोकल पालना गर्न सर्वसाधरणलाई सचेत गराएको छ।

यससँगै भारतमा सक्रिय कोरोना संक्रमितको संख्या १९ हजार ५०९ पुगेको छ।

मन्त्रालयका अनुसार २ हजार ८०२ जना संक्रमण मुक्त भएका छन्। पछिल्लो एक दिनमा ३१ जनाको संक्रमणका कारण मृत्यु भएको छ।