काठमाडौँ, ४ असोज । त्रिभुवन विश्वविद्यालय चिकित्साशास्त्र अध्ययन् संस्थान आइओएमका पूर्व डीन प्राडा जगदीश अग्रवाललाई कोरोना संक्रमण देखिएको छ । दुई दिन अघि आएको पीसीआर परीक्षणको रिपोर्टमा कोभिड – १९ पोजेटिभ देखिएको हो ।

संक्रमण देखिए लगत्तै उनी त्रिवि शिक्षण अस्पतालको कोभिड -१९ वार्डमा भर्ना भएका छन् ।

‘पीसीआर पोजेटिभ आएपछि दुई दिन अघि देखी प्राडा अग्रवाल हामीसंग हुनुहुन्छ । स्वास्थ्य अवस्था सामान्य छ । हामीले अव्जरवेसनका लागि मात्रै राखेका हौँ,’ कोभिड -१९ युनिटका संयोजक डा शान्तकुमार दासले भने ।

शिक्षण अस्पतालको कोभिड १९ युनिट अहिले १०६ जना संक्रमितहरुको उपचार भइरहेको समेत डा दासले बताए । उनले संक्रमितमध्ये ४ जना भेन्टिलेटरमा र १० जना आईसीयूमा रहेको समेत जानकारी दिए ।