काठमाडौँ, २७ भदौ । चिकित्सा शिक्षा आयोगले स्नातकोत्तर तह (पिजी) को एकिकृत प्रवेश परीक्षाको अनलाइन आवेदन फारम खुला गर्ने निर्णय गरेको छ । आयोगले आगामी १ असोज विहान १० बजे देखि १५ असोज अपरान्ह ५ बजेसम्म अनलाइन आवेदन दिन सक्ने व्यवस्था मिलाएको छ ।

यस पटक देखि पीजी तहको एकीकृत प्रवेश परीक्षा चिकित्सा शिक्षा आयोगले लिन लागेको हो । आयोगले एमडीएमएस, एमडीएस, एमपीएच, एमएसीपीएच, एमपीएचएन, एमएचपीई, एमपीएच, एमडी आयुर्वेदा, एमफर्मा, एमएस्सी नसिङ, मिडवाइफ्रि, लगायतका विषयमा अनलाइन फारम भर्नका लागि सूचना निकालेको छ ।

यसबर्ष गत जेठमा परीक्षा लिने तयारी भएपनि कोरोना भाइरसको महामारीका कारण परीक्षा ढिला हुन गएको थियो ।