काठमाडौँ, २२ भदौ ।  शुक्रराज ट्रपिकल तथा सरुवा रोग अस्पतालको आइसीयू इन्चार्ज उषादेवी देवकोटाले यसबर्षको उत्कृष्ठ निजामती कर्मचारी पुरस्कार प्राप्त गरेकी छन् । अस्पताल नर्सिङ निरीक्षक (अधिकृत छैटौँ) तहमा कार्यरत उनले संघीय मामिला तथा सामान्य प्रशासन मन्त्रालयले निजामती सेवा दिवसको अवसरमा उपलव्ध गराउने १ लाख रुपैयाँ रासीको सो पुरस्कार प्राप्त गरेकी हुन् ।

निजामती कर्मचारीहरुले पाउने पुरस्कार भएपनि यसपटक संघीय मन्त्रालयले कोभिड १९ मा खटिएका स्वास्थ्य समूहका कर्मचारीलाई पनि पुरस्कृत गर्ने निर्णय गरेको छ । यो पुरस्कारको रासी १ लाख रुपैयाँको छ ।

यस्तै स्वास्थ्य तथा जनसंख्या मन्त्रालयका सहसचिव रघुराम विष्टले यसबर्षको निजामती सेवा पुरस्कार प्राप्त गरेका छन् । उनले ५० हजार रुपैयाँ रासीको सो पुरस्कार विष्टले प्राप्त गरेका हुन् ।

संघीय मन्त्रालयले १७ औँ निजामती सेवा दिवसको अवसरमा मन्त्रालयले १० जना कर्मचारीलाई उत्कृष्ठ निजामती कर्मचारीलाई पुरस्कार र ३० जनालाई निजामती सेवा पुरस्कारबाट विभुसित गरेको छ । तर यसबर्ष कोरोना महामारीका कारण औपचारिक कार्यक्रम भने गरिएको छैन् ।