काठमाडौँ, २० भदौ । चौबिस घण्टामा काठमाडौँका ३ सहित थप ९ जना कोरोना संक्रमितको मृत्यु भएको छ । स्वास्थ्य तथा जनसंख्या मन्त्रालयको नियमित कोरोना प्रेस ब्रिफिङका क्रममा प्रवक्ता डा जागेश्वर गौतमले चौबिस घण्टामा काठमाडौँका ३ सहित थप ९ जनाको मृत्यु भएको बताए ।

मृत्यु हुनेमा ३ जना महिला र ६ जना पुरुष गरी थप ९ जना  हुन् । जसमा काठमाडौँका ३ सिहत रुपन्देही, महोत्तरी र पर्साका एक/एक जना पुरुष र मोरङ, मकवानपुर र नवलपरासीका एक/एक जना महिलाको मृत्यु भएको प्रवक्ता डा गौतमले जनाकारी गराए ।

यी सहित नेपालमा कोरोना संक्रमणबाट मृत्यु हुनेको संख्या २८० पुगेको छ ।

त्यसैगरी पछिल्लो चौविस घण्टामा देशभर थप १ हजार ४१ जनामा कोरोना भाइरस संक्रमण देखिएको छ । भने थप १ हजार ५६६ जना कोरोना जितेर घर फर्किएका छन् ।