काठमाडौँ, ७ भदौ । भक्तपुरस्थित शहीद धर्मभक्त राष्ट्रिय प्रत्यारोपण केन्द्रमा उपचारका लागि लगिएका एक जना कोरोना संक्रमित पुरुषको मृत्यु भएको छ । मिर्गौला फेल भएका ५४ बर्षिय पुरुषको आज दिउसो प्रत्यारोपण केन्द्रमा पुर्‍याउना साथ ज्यान गएको निर्देशक डा प्रेमराज ज्ञवालीले बताए ।

बुटवलका ती संक्रमितलाई परिवारले डायलासिस नगरी काठमाडौँ ल्याएको थियो ।

शुरुमा पाटन अस्पताल लगेपछि पाटनले प्रत्यारोपण केन्द्र भक्तपुर रिफर गरेको थियो ।

‘मिर्गौला फेल भएको रहेछ । डायलासिस गर्नका लागि तयारी गर्दा गर्दै ज्यान गयो,’ डा ज्ञवालीले भने ।

यो संगै नेपालमा  कोरोना संक्रमणबाट ज्यान जानेको संख्या १५० पुगेकोछ ।