काठमाडौँ, ६ चैत । कोरोना भाइरसको आशंकामा आइसोलेसनमा राखिएका १८ जनाको परीक्षण रिपोर्ट नेगेटिभ आएको छ । राष्ट्रिय जनस्वास्थ्य प्रयोगशालामा हिजो राती देखि शुरु गरिएको १८ जनाको परीक्षण रिपोर्ट केही बेर अघि मात्रै सार्वजनिक गरिएको हो ।

प्रयोगशालाका सूचना अधिकारी राजेशकुमार गुप्ताले हिजो राती देखि शुरु गरिएको १८ जनाको परीक्षणको नतिजा नेगेटिभ आएको बताए । उनले परीक्षण गरिएकामा १ जना बुटवल र बाँकी सबै काठमाडौँका विभिन्न अस्पतालको रहेको समेत जानकारी दिए ।

आजको परीक्षण रिपोर्टसंगै जनस्वास्थ्य प्रयोगशालामा कोरोना परीक्षणको संख्या ५४७ पुगेको छ । र सबै नेगेटिभ आएको छ ।