काठमाडौँ, १८ चैत । नेपाल औषधि उत्पादक संघ ‘एपोन’ले हावाहुरी प्रभावित बारा–पर्सामा रेडक्रस र मेडिकल एसोसिएसनसँगको सहकार्यमा औषधि उपलब्ध गराएको छ ।

वीरगञ्जमा भएका उद्योगबाट सोमबार बिहानबाट करीब ९ लाख बराबरको औषधि संकलन गरी उपलब्ध गराइएको एपोनका अध्यक्ष दीपकप्रसाद दाहालले बताए ।

उनले घाइते र घरवारविहीन व्यक्तिहरुलाई खाद्यन्न समेत सहयोग गरेको जानकारी दिए ।

एपोनका सदस्य विप्लभ अधिकारीले विपतमा परेका बारा पर्साका जनतालाई थोरै भए पनि राहत उपलव्ध गराउने उद्धेश्यले औषधि उपलव्ध गराएको बताए ।

‘विपतका वेला जसले जे सक्छ त्यही गर्ने हो’, उनले भने, ‘हामी घाइतेलाई अत्यावश्यक पर्ने औषधि उपलब्ध गराउँदैछौँ।’

केही औषधि घटनास्थलमा पुगिसकेको र अन्य कम्पनीबाट औषधि आउने क्रम जारी रहेको पनि अधिकारीले जानकारी दिए।