काठमाडौँ, १८ चैत । हिजो बेलुका बारा जिल्लामा आएको हावाहुरीको प्रकोपमा परेकाहरुको उद्धार तथा राहतमा सहयोग पुरयाउन भन्दै मुटुरोग विशेषज्ञ डा ओममूर्ति अनिलले जिल्ला राहतकोषमा १ लाख रुपैयाँ दिने घोषणा गरेका छन् ।

उनले सामाजिक सञ्जालमा आपतका बेलामा आफ्ना तर्फबाट सहयोग रकमको घोषणा गर्दै सबैलाई सकेको सहयोग गर्न आवहान समेत गरेका छन् ।

बारा तथा पर्सा जिल्लामा हिजो बेलुका आएको विनासकारी हावाहुरीले अहिलेसम्म तीन दर्जन बढीको ज्यान गइसकेको बताइएको छ भने संयौंको संख्यामा घाइते भएका छन् । सात सय भन्दा बढी घरवारविहीन भएको प्रारम्भिक रिपोर्ट आएको प्रदेश नं २ सरकारले जनाएको छ ।

प्रदेश सरकारले प्रकोपपिडीतको उद्धार, उपचार र राहतका लागि सहयोग गर्न सबैसंग अपिल समेत गरेको छ ।