काठमाडौँ, ६ साउन । स्वास्थ्य मन्त्रालयले आफ्नो मातहतमा रहेको विभिन्न महाशाखाको प्रमुखहरुको जिम्मेबारी हेरफेर गरेको छ । मंगलबारको स्वास्थ्यमन्त्रीस्तरीय निर्णबाट पाँच प्रमुखहरुको जिम्मेबारी हेरफेर भएको हो ।

मंगलबारको निर्णय अनुसार आपूर्ति व्यावस्थापन महाशाखामा प्रमुख डा भीमसिंह तिंकरीलाई स्वास्थ्य सेवा विभागको व्यवस्थापन महाशाखामा ल्याइएको छ ।

आपूर्ति व्यवस्थापन महाशाखामा शुक्रराज ट्रपिकल तथा सरुवा रोग अस्पतालका निर्देशक डा रमेश खरेललाई लगिएको छ । व्यवस्थापन महाशाखाका प्रमुख डा विकास देवकोटालाई मन्त्रालय तानिएको छ ।

उता प्राथमिक स्वास्थ्य तथा पुर्नजागरण महाशाखाका निर्देशक मोहमद दाउदलाई कुष्टरोग महाशाखामा सरुवा गरिएको छ । उनको स्थानमा स्वास्थ्य मन्त्रालय नीति योजना महाशाखामा रहेका भोगेन्द्र डोटेललाई पठाइएको छ ।

डोटेलको ठाँउमा केही साता अघि बीर अस्पतालबाट डा. श्रीकृष्ण गिरीलाई लगिएको छ ।