काठमाडौं, १६ कात्तिक । इलाममा अनसन बसिरहँदा स्वास्थ्य बिग्रिएपछि डा. गोविन्द केसीलाई थप उपचारका लागि भन्दै काठमाडौँ ल्याइएको छ । उनलाई अहिले त्रिवि शिक्षण अस्पतालमा भर्ना गरिएको छ ।
गत १२ गते देखि अनसन सुरु गरेका डा. केसीको स्वास्थ्यमा समस्या आएपछि गत शनिबार जिल्ला अस्पताल इलाममा राखिएको थियो ।

स्वास्थ्य अवस्था थप जटिल बन्दै गएपछि उपचारमा संलग्न चिकित्सकहरूले थप उपचारका लागि सुविधासम्पन्न अस्पतालमा स्थानान्तरण गर्न सिफारिस गरेका थिए।

सोही अनुसार सरकारले नेपाली सेनाको हेलिकप्टर पठाएर उनलाई काठमाडौँ ल्याएको हो ।