काठमाडौँ, ८ असोज । नेपाली कांग्रेसका सभापति शेरबहादुर देउवा र पत्नी डा.आरजु राणा देउवा बुधबार अस्पतालबाट डिस्चार्ज हुने भएका छन् ।

गत भदौ २४ गते जेन-जी आन्दोलनको दोस्रो दिन आफ्नै निवासमा प्रदर्शनकारीको आक्रमणमा परेका दुवैजना घाइते भएका थिए ।

देउवा दम्पतीलाई नेपाली सेनाले उद्धार गरेर सैनिक अस्पतालमा भर्ना गरेको थियो । जेन–जी प्रदर्शनकारीले देउवाको गर्धनमा धारिलो हतियारले प्रहार गर्दा १२ टाँका लगाउनुपरेको थियो ।

दुवैजनाको स्वास्थ्यमा सुधार भएकाले उपचारमा संलग्न सैनिक अस्पतालका चिकित्सकको सल्लाहअनुसार डिस्चार्ज भएर ललितपुर लान लागिइएको देउवाका स्वकीय सचिव भानु देउवाले जानकारी दिए ।