काठमाडौँ, १४ भदौ । नेपाल फार्मेसी परिषद्ले आज लिएको फर्मासिष्ट तर्फको नाम दर्ता (लाइसेन्स) परीक्षामा ४८.९६ प्रतिशत परीक्षार्थी उत्तीर्ण भएका छन् । परिषद्ले केही वेर अघि नतिजा सार्वजनिक गरेको थियो ।

परिषद्का रजिष्ट्रार सञ्जीवकुमार पाण्डेयका अनुसार फर्मासिष्ट तर्फको २९ औँ नाम दर्ता परीक्षामा सहभागी हुन भन्दै आवेदन दिएका मध्ये कुल ८११ जनाको आवेदन स्वीकृत भएको थियो ।

तर, आजको परीक्षामा ७६८ जना उपस्थित थिए । ती मध्ये ३७६ जना मात्रै उत्तीर्ण भएका हुन् ।