काठमाडौँ, २८ पुस । सर्बोच्च अदालतले काठमाडौँ विश्वविद्यालय (केयु) को उपकुलपतिका लागि नाम सिफारिस गर्न गठित समितिलाई पूर्व निर्धारित प्रक्रिया अनुसार नै काम अघि बढाउन बाटो खुला गरेको छ ।

उपकुलपतिका लागि नाम सिफारिस गर्न गठित समितिले बनाएको कार्यविधिमा आवेदकको न्युनतम योग्यता मान्यता प्राप्त विश्वविद्यालयबाट विद्यावारिधि वा सो सरहको उपाधि प्राप्त हुनुपर्ने भनिएको थियो ।

यो प्रावधानले एमडीएमएस, एमडीएस गरेका चिकित्सकहरुलाई आवेदन दिन नपाउने यसले चिकित्सा क्षेत्रलाई प्रतिस्पर्धा गर्नबाट बन्चित गरेको भन्दै डाक्टरहरुको विभिन्न समूहले विरोध गर्दै सर्बोच्चमा रिट दायर गरेको थियो । रिटमा कार्यविधिको न्युनतम योग्यता खारेजीको माग गरिएको थियो ।

तर, आइतबार अदालतले अन्तरिम आदेश जारी गर्न अस्वीकार गरेको हो।

चिकित्सामा डीएम वा सो सरहकाले भने आवेदन दिन पाउनेछन्। उपकुलपतिका लागि आवेद दिने समय पनि आइतबार सकिएको छ ।

माघ १८ गते १० दिनको म्याद दिएर आवेदन खुलाइएको थियो । उपकुलपति प्राडा भोला थापाको चार वर्षे कार्यकाल माघ ६ देखि सकिँदैछ।