काठमाडौँ, ९ फागुन । नेपाल स्वास्थ्य अनुसन्धान परिषदका सदस्य सचिव डा. प्रमोद जोशीले पदभार सम्हालेका छन् ।

गत आइतबार बसेको मन्त्रिपरिषदको बैठकले डा जोशीलाई परिषदको सदस्य सचिवमा नियुक्त गरेको थियो । वरिष्ठ हाडजोर्नी विशेषज्ञ  डा. जोशी गेटा अस्पतालमा प्रमुखको रुपमा कार्यरत थिए ।

परिषदका सदस्य सचिव डा. प्रदिप ज्ञवालीको चार वर्षे कार्यकाल गत माघ २६ गतेबाट सकिएसँगै उक्त पद रिक्त थियो । रिक्त रहेको उक्त पदमा सरकारले डा. जोशीलाई परिषदको सदस्य सचिव पदमा नियुक्त गरेको हो ।