काठमाडौँ, २७ असार । सरकारले दुईवटा अस्पतालमा अध्यक्ष र सदस्य नियुक्त गरेको छ । स्वास्थ्य मन्त्री मोहनबहादुर बस्नेतले मंगलबार कोशी अस्पताल विकास समितिको अध्यक्षमा डा फरवार्ड सिलवाललाई नियुक्त गरेका हुन् ।

डा सिलवाल दन्तरोग विशेषज्ञ हुन्। उनी नेपाल चिकित्सक संघ कोशीका अध्यक्ष समेत हुन् ।

यस्तै शहीद गंगालाल राष्ट्रिय हृदय केन्द्र सञ्चालक समितिका सदस्यमा मुटुरोग विशेषज्ञ डा रवि मल्ललाई मनोनित गरिएको छ । मन्त्री बस्नेतले रिक्त रहेको एक सदस्य पदमा अस्पतालमा नै कार्यरत मुटुरोग विशेषज्ञ डा मल्ललाई सदस्यमा नियुक्त गरेको हो ।

सदस्यको पदावधी चार वर्षको हुनेछ।