काठमाडौँ, २५ चैत । त्रिभुवन विश्वविद्यालय चिकित्साशास्त्र अध्ययन संस्थान (आइओएम) को सहायक डीनमा प्राडा अभिमन्यु झा नियुक्त भएका छन्।

त्रिवि कार्यकारी परिषदको शुक्रबार बसेको बैठकले प्याथोलोजी विभागका प्रमुख समेत रहेका प्राडा झालाई सहायक डीनमा नियुक्त गर्ने निर्णय गरको हो ।

यसअघि गत भदौमै आईओएमकी डीन प्राडा दिव्यासिंह शाहले प्राडा झालाई सहायक डीन बनाउन कार्यकारी परिषद समक्ष सिफारिस गरेकी थिईन ।

चार वर्षे कार्यकालका लागि नियुक्त भएका प्राडा झाले शुक्रबार नै पदवहाली गरेका छन् ।