एजेन्सी । भारतमा पुन: कोरोना संक्रमण बढ्न थालेको छ । भारतीय सञ्चारमाध्यमका अनुसार दैनिक संक्रमण दर १.३३ प्रतिशत पुगेको छ । वितेको चौविस घण्टामा देशभर १ हजार ५९० जना कोरोना संक्रमित थपिएका छन् । जो पछिल्लो १४६ दिन यताकै बढी हो ।

यो संगै देशमा सक्रीय संक्रमितको संख्या ८ हजार ६०१ पुगेको छ ।

संक्रमण बढ्दै जाँदा त्यहाँको स्वास्थ्य मन्त्रालयले कोरोना सम्वन्धी विशेष आदेश जारी गरेको छ । उसले बृद्धबृद्धा तथा दीर्घ रोगीहरुलाई भीडभाडमा जान नदिने, सामाजिक दुरी कायम गर्ने, मास्क अनिवार्य लगाउने , नियमित रुपमा सावुन पानीले हात धुने भनेको छ ।

मन्त्रालयले अस्पतालहरुलाई तयारी अवस्थामा रहन, औषधि, अक्सिजन, आइसीयू तथा जनरल बेड तयारी अवस्थामा राख्न भनेको छ ।