काठमाडौं, ३० पुस । नेकपा (माओवादी केन्द्र) का उपमहासचिव वर्षमान पुनको स्वास्थ्यमा पुन समस्या देखा परेको छ । गृहजिल्ला रोल्पामा रहेका पुनको स्वास्थ्यमा समस्या देखा परेपछि हेलिकोप्टरबाट आजै काठमाडौँ ल्याइएको छ ।

उनलाई लतितपुरको सुमेरु अस्पताल भर्ना गरिएको उनको सचिवालयले जनाएको छ । उनी लामो समयदेखि वंशाणुगत जण्डिसबाट पीडित छन्।

गत मंसिर १६ गते उनी स्वास्थ्यमा समस्या आएपछि उपचारको लागि चीन गएका थिए । उनलाई सेनजेनस्थित थर्ड पिपुल्स अस्पतालमा क्वारेन्टिनमा राखेर उपचार गरिएको थियो । उपचारपछि गत पुस ५ गते स्वदेश फर्किएका थिए।