प्रमुख विशेषज्ञ पदलाई अतिरिक्त स्वास्थ्य सचिवमा बदल्ने स्वास्थ्यको तयारी
काठमाडौँ, २२ साउन । स्वास्थ्य तथा जनसंख्या मन्त्रालयको प्रमुख विशेषज्ञ पदलाई अब अतिरिक्त स्वास्थ्य सचिव बनाईने तयारी भएको छ । स्वास्थ्य तथा जनसंख्या मन्त्रालयले सचिव बाहेकका अधिकृत १२ औँ तहका प्रमुख विशेषज्ञ पदलाई अतिरिक्त स्वास्थ्य सचिवको रुपमा नाम परिवर्तन गर्न खोजेको छ ।
स्वास्थ्यमा अहिले सचिव बाहेक कुल चारवटा पद १२ औँ तहको छ, जसलाई प्रमुख विशेषज्ञ पद भनिने गरिन्छ ।
प्रमुख विशेषज्ञ पदलाई अतिरिक्त स्वास्थ्य सचिव बनाउने प्रस्ताव मन्त्रिपरिषदमा आइतबार दर्ता गरिसकिएको छ ।
;पदको नाम परिवर्तन गर्ने प्रस्ताव आइतबार नै मन्त्रिपरिषदमा दर्ता भईसकेको छ । अब बस्ने बैठकले आवश्यक निर्णय गर्ला,’ मन्त्रालय स्रोतले भन्यो ।
नामाकरण अतिरिक्त स्वास्थ्य सचिव भनिएपनि जिम्मेवारी भने प्रमुख विशेषज्ञ पदमा रहँदा जे थियो त्यहि नै हुने स्रोतले बतायो ।
अहिले १२ औँ तहका प्रमुख विशेषज्ञको पद मन्त्रालयमा दुई, स्वास्थ्य सेवा विभागको महानिर्देशक एक र वीर अस्पतालको निर्देशक एक गरी कुल चार वटा रहेको छ ।
अहिले स्वास्थ्यमा सचिव डा रोशन पोखरेल बाहेक डा श्यामसुन्दर यादव, डा दीपेन्द्ररमण सिंह, डा गुणराज लोहनी र डा संगिता मिश्र १२ औँ तहको अधिकृतको रुपमा कार्यरत छन् ।
सम्पर्क इमेल : nepalihealthnews@gmail.com