स्वास्थ्य कार्यालय काठमाडौँको प्रमुखको जिम्मेवारी बसन्त अधिकारीलाई
काठमाडौँ, ५ फागुन । स्वास्थ्य कार्यालय काठमाडौँको निमित्त प्रमुख जिम्मेवारी बसन्त अधिकारीले पाएका छन् ।
स्वास्थ्य मन्त्रालय बागमती प्रदेशले गत २७ माघमा मन्त्रीस्तरीय निर्णय गर्दै बरिष्ठ जनस्वास्थ्य प्रशासक दशौँ तहका अधिकारीलाई स्वास्थ्य कार्यालय काठमाडौँको निमित्त प्रमुखमा कामकाज गर्ने गरी पठाउने निर्णय गरेको हो ।
यसअघि स्वास्थ्य कार्यलय काठमाडौँको निमित्त प्रमुख सागर घिमिरे थिए । स्वास्थ्य मन्त्रालय हेटौडाले उनलाई धादिङको स्वास्थ्य कार्यालय प्रमुख बनाएर पठाएको छ ।
नेपाल जनस्वास्थ्य संघको अध्यक्ष समेत रहेका अधिकारीले आगामी बुधबारबाट जिम्मेवारी सम्हाल्ने बताए ।
अधिकारी यसअघि स्वास्थ्य मन्त्रालय हेटौँडाको नीति योजना महशाखा प्रमुखको रुपमा कार्यरत थिए ।
सम्पर्क इमेल : [email protected]