काठमाडौं, २९ मंसिर । चिकित्सा शिक्षा आयोगले यस शैक्षिक सत्रका लागि चिकित्सा शिक्षा तर्फको स्नातक तहका लागि विद्यार्थी छनौट गर्न लिइने एकीकृत प्रवेश परीक्षाको आगामी १४ पुस देखि फारम खुलाउने भएको छ ।

अनलाइन माध्यमबाट भर्न मिल्ने फारम आगामी २० माघ अपरान्ह ५ बजेसम्म भर्न पाइने बताइएको छ ।

यसअघि कोभिडको कारण रोकिएको स्नातक तहको एकीकृत प्रवेश परीक्षा साउन ९ देखि सुरु भएको थियो । सो परीक्षामा एमबीबीएस र बीडीएस बाहेकका अन्य विषयमा कम विद्यार्थी छनौट भएका थिए ।

त्यसबेला निजी कलेजहरुले परीक्षामा कम विद्यार्थी छनौट भएको भन्दै विरोध समेत गरेका थिए ।