काठमाडौँका ४० प्रतिशत जनताले पाए कोभिडबिरुद्धको पूर्ण खोप

  • दुई पालिकामा पहिलो डोज लगाउने सत प्रतिशत
  • - नेपाली हेल्थ


    काठमाडौँ, १९ भदौ । काठमाडौंमा ४० प्रतिशत जनताले कोभिडविरुद्धको पूर्ण खोप पाएका छन् । शुक्रबारसम्म पहिलो डोज मात्रै लगाउने ४८ प्रतिशत पुगेको स्वास्थ्य कार्यालय काठमाडौँले जनाएको छ ।

    स्वास्थ्य कार्यालय काठमाडौँका प्रमुख बद्रिबहादुर खडका अनुसार जिल्लामा पूर्ण खोप लगाउनेको संख्या शुक्रबार बेलुकासम्म ९ लाख १४ हजार ४८५ जना पुगेको छ । यस्तै पहिलो मात्रा लगाउनेको संख्या ११ लाख ७ हजार ९८० जना रहेको छ ।

    जिल्लामा कोभिसिल्ड, भेरोसेल, जानसन र एस्ट्राजेनेका खोप लगाईएको छ । खोपको उपलव्भता र आवश्यकताका आधारमा प्राथकिता र उमेर समूह निर्धारण गरी चरण चरणमा खोप अभियान सञ्चालन गरिएको स्वास्थ्य प्रमुख खड्काले बताए ।

    शंकारापुर र दक्षिणकालीमा पहिलो डोज लगाउने सतप्रतिशत
    यसैबीच शंकरापुर र दक्षिणकाली नगरपालिका कोभिड विरुद्धको खोपको पहिलो डोज सतप्रतिशत दिने पहिला नगरपालिका बनेका छन् । खड्काका अनुसार ती पालिकाहरुमा १८ बर्ष माथिका सबै नागरिकले पहिलो डोज खोप प्राप्त गरेका छन् ।


    Facebook Comment


    थप समाचार