काठमाडौँ, १७ साउन । सरकारले स्वास्थ्य तथा जनसंख्या मन्त्रालयका सचिव लक्ष्मण अर्याललाई प्रधानमन्त्री तथा मन्त्रिपरिषद्‌को कार्यालयमा सरूवा गरेको छ ।

हिजो बसेको  क्याबिनेट बैठकले सचिव अर्याललाई प्रधानमन्त्री तथा मन्त्रिपरिषद्को कार्यलयमा सरुवा गरेको स्रोतले जनाएको छ ।

यही साउन ४ गते बसेको मन्त्रिपरिषद्को बैठकले स्वास्थ्य सेवा तर्फका डा.रोशन पोखरेललाई स्वास्थ्य सचिवमा बढुवा गरेको थियो । उनी आएसंगै प्रशासान तर्फका सचिव अर्याललाई मन्त्रिपरिषद्‌को कार्यालय तानिएको हो ।

उनी अघिल्लो वर्षको जेठ १५ देखि स्वास्थ्य सचिवका रुपमा मन्त्रालयमा कार्यरत थिए ।