चीनको सिचुवान प्रान्तले विमान चार्टर गरी पठायो साढे ५ करोड बढीको स्वास्थ्य सामग्री
काठमाडौँ, ५ जेठ । चीनको सिचुवान प्रान्तले कोभिड – १९ संक्रमणको खराब अवस्थाबाट गुज्रिरहेको नेपाललाई पुन अत्यावश्यक स्वास्थ्य सामग्री पठाएको छ । स्वास्थ्य सामग्री बोकेको सिचुवान एयरलायन्सको कार्गो विमान बुधबार विहान त्रिभुवन अन्तराष्ट्रिय विमानस्थलमा अवतरण गरेको छ ।
परराष्ट्र मन्त्रालयका अनुसार सिचुवान प्रान्तले सरकारलाई सहायता स्वरुप प्रदान गरेको ३.०६ मिलियन आरएमबी (५ करोड ५५ लाख रुपैयाँ बढी)को कोभिडबिरुद्धको स्वास्थ्य सामग्री विमान चार्टर गरी पठाएको हो ।
स्वास्थ्य मन्त्रालयका अनुसार आज आएको सामग्रीहरुमा केही अक्सिजन सिलिन्डर, अक्सिजन कन्सन्ट्रेटर सहित स्वास्थ्यकर्मीले प्रयोग गर्ने पीपीई, मास्क लगायतका अत्यावश्यक स्वास्थ्य सामग्रीहरु रहेका छन् ।
यसअघि चीनले कोरोनाबिरुद्धको अभियानलाई सहयोग पुरयाउन उपलव्ध गराएको अक्सिजन सिलिन्डर तथा अक्सिजन कन्सन्ट्रेटर नेपाल एयरलायन्सको वाइडवडी विमानले दिनहुँ बेइजिङबाट ल्याइरहेको छ ।
सम्पर्क इमेल : nepalihealthnews@gmail.com