पूर्वप्रधानमन्त्री भट्टराईलाई ट्युमर भएको आशंका, उपचारका लागि आज दिल्ली जाँदै
काठमाडौँ, ९ फागुन । पूर्वप्रधानमन्त्री तथा जनता समाजवादी पार्टीका संघीय परिषद् अध्यक्ष डा. बाबुराम भट्टराई स्वास्थ्योपचारका लागि आज नयाँदिल्ली जाँदै छन् । उनी विहान ११ बजेर २० मिनेटमा नेपाल वायुसेवाको विमानबाट भारतको राजधानी नयाँदिल्ली जान लागेका हुन् ।
उनी लामो समयदेखि पेट सम्बन्धी समस्याबाट पीडित छन् । उनले लामो समयदेखि निदान अस्पतालमा परीक्षण तथा उपचार गराउँदै आएका थिए ।
अहिले चिकित्सकहरुले न्युरो-इन्डोक्राइनको ट्युमर भएको आशंका गरी सल्लाह र सिफारिस गरेकाले उनी त्यसको उपचारका लागि दिल्ली जान लागेको उनका प्रेस सल्लाहकार विश्वदीप पाण्डेले जानकारी दिए ।
दिल्लीस्थित ‘इन्स्टिच्युट अफ लिभर एण्ड बिलिअरी साइन्सेस’मा उनको उपचार हुने बताइएको छ । ।
भट्टराईसँगै उनकी पत्नी हिसिला यमी र प्रेस सल्लाहकार विश्वदीप पाण्डे रहनेछन्। उपचारका लागि दिल्लीमा रहँदा उनको बसाइ त्यहाँस्थित नेपालको दूतावासमा हुनेछ।
सम्पर्क इमेल : nepalihealthnews@gmail.com