काठमाडौँ, २४ मंसिर ।  सरकारले स्थानीय तह अन्तर्गत रहेका बागमती प्रदेशका पाँचवटा स्वास्थ्य संस्थालाई स्तरउन्नती गर्दै प्रदेश अन्तर्गत राख्ने निर्णय गरेको छ। स्थानीय सरकारको सहमति, प्रदेश सरकारको सिफारिसमा संघीय सरकारले सो निर्णय गरेको हो ।

गत १८ मंसिरमा बसेको संघीय सरकारको मन्त्रिपरिषदको बैठकले काठमार्डौँको टोखास्थित चण्डेश्वरी प्राथमिक स्वास्थ्य केन्द, दोलखाको चरिकोट अस्पताल, काभ्रेपलाञ्चोकको मेथिनकोट अस्पताल, ललितपुरको बज्रबाराही प्राथमिक स्वास्थ्य केन्द्र, चितवनको बकुलर रत्ननगर अस्पतालको व्यवस्थापन तथा सञ्चालनको जिम्मेवारी बागमती प्रदेश सरकारलाई दिने निर्णय गरेको सरकारका प्रवक्ता एवं सञ्चार तथा सूचना प्रविधि मन्त्री पार्वत गुरुङले बताए ।

संघीय सरकारको यो निर्णयले अब बागमती प्रदेशको १३ वटै जिल्लामा अस्पताल रहने भएका छन् ।

यसअघि बागमती प्रदेशमा आठ वटा जिल्लामा मात्र प्रदेश अस्पताल रहेको थियो ।