काठमाडौँ, १० मंसिर । महाराजगञ्जस्थित त्रिभुवन विश्वविद्यालय शिक्षण अस्पतालका संस्थापक कार्यकारी निर्देशक प्राडा भीष्मराज प्रसाईको निधन भएको छ ।

भैसेपाटीस्थित नेपाल मेडिसिटी अस्पतालमा उपचाररत ८९ बर्षीय प्रसाईँको आज अपरान्ह निधन भएको हो । मुटुमा समस्या भएपछि उनलाई गत २८ कात्तिकमा मेडिसीटीमा भर्ना गरिएको थियो ।

प्राडा प्रसाई त्रिवि चिकित्साशास्त्र अध्ययन संस्थान आईओएमका डीन, त्रिविका शिक्षाध्यक्ष र उपकुलपति समेत भएको भाई नरेन्द्रराज प्रसाईले बताए ।