चौविस घण्टामा देशभर थप १४७७ जनामा कोरोना संक्रमण, निको हुनेको संख्या २७९८ जना

  • काठमाडौँ उपत्यकामा थपिए ८०७ जना
  • - नेपाली हेल्थ

    काठमाडौँ, ३० कात्तिक । पछिल्लो चौविस घण्टामा देशभर थप १ हजार ४७७ जनामा कोरोना संक्रमण देखिएको छ । यहि अवधीमा थप २ हजार ७९८ जना कोरोना मुक्त भएका छन् ।

    स्वास्थ्य तथा जनसंख्या मन्त्रालयका अनुसार पछिल्लो चौविस घण्टामा ६ हजार ४७६ जनाको पीसीआर परीक्षण गर्दा १ हजार ४७७ जना (२३ प्रतिशतमा) मा कोरोना संक्रमण देखिएको हो । यहि अवधीमा ६ जनाको ज्यान गएको छ ।

    काठमाडौँ उपत्यकामा थपिए ८०७ जना
    यसैबीच काठमाडौँ उपत्यकामा आइतबार थप ८०७ जनामा कोरोना संक्रमण देखिएको छ । यो संख्या आज देशभर देखिएको कुल संक्रमित संख्याको ५५ प्रतिशत हो ।

    मन्त्रालयका अनुसार आज काठमाडौँमा ६३२ जना, भक्तपुरमा ४२ जना र ललितपुरमा १३३ जनामा कोरोना संक्रमण देखिएको छ । देशभर भने आज १ हजार ४७७ जना संक्रमित थपिएका छन् ।


    Facebook Comment


    थप समाचार