काठमाडौँ, १२ साउन । काठमाडौँ उपत्यकामा आज थप ६ जनामा कोरोना भाइरस(कोभिड(-१९)संक्रमण देखिएको छ।

स्वास्थ्य तथा जनसंख्या मन्त्रालयको नियमित कोरोना ब्रिफिङका क्रममा मन्त्रालयका प्रवक्ता डा जागेश्वर गौतमले काठमाडौँका ३ र ललितपुरका ३ जना संक्रमित थपिएको बताए ।

यो संगै पछिल्लो चौविस घण्टामा देशभर थप १३९ जनामा कोरोना भाइरस(कोभिड-१९)संक्रमण देखिएको छ ।

नेपालमा कुल संक्रमितको संख्या १८ हजार ७५२ पुगेको छ। देशभर सक्रिय संक्रमितको संख्या ४ हजार ९५० रहेको छ ।

पछिल्लो २४ घण्टामा थप ६२६ जना उपचारपछि निको भएर डिस्चार्ज भएका छन् । यो सहित डिस्चार्ज हुनेको कुल संख्या १३ हजार ७५४ पुगेको छ ।

अहिलेसम्म ६ वटा जिल्ला कोरोना मुक्त छन् । २ जिल्लामा ५०० बढी संक्रमित रहेका छन् ।

नेपालमा हालसम्म कोरोना संक्रमणबाट मृत्यु हुनेको संख्या ४८ पुगेको छ ।