काठमाडौँका मस्जितमा रहेका सबैको पीसीआर परीक्षण गरिदै

काठमाडौँ, १२ बैशाख । सरकारले काठमाडौँस्थित मस्जिदमा रहेका सबैको कोरोना भाइरस (कोभिड–१९) परीक्षण शुरु गरेको छ । उदयपुरको मस्जिदमा रहेका मानिसमा कोरोनाको सङ्क्रमण देखिएपछि काठमाडौँस्थित मस्जिदमा रहेका सबैको परीक्षण शुरु गरिएको स्वास्थ्य विभागका महानिर्देशक महेन्द्रप्रसाद श्रेष्ठले जानकारी दिए ।

उनका अनुसार बिहीबारदेखि उपत्यका भरीका मस्जिदमा रहेका मानिसको परीक्षण पोलिमरेज चेन रियाक्सन (पिसिआर) विधिबाट परीक्षण गर्न थ्रोट स्वाव संकलन गरिएको छ । विभिन्न मस्जितबाट विहीबार ७६ जना र शुक्रबार ५२ जनाको नमूना संकलन भइसकेको महानिर्देशक श्रेष्ठले बताए ।

उदयपुरको त्रियुगा नगरपालिकाको भुल्केस्थित मस्जिदमा र त्यसवरपरका २८ जनामा कोभिड संक्रमण देखिएको थियो । तिमध्ये तीन जना काठमाडौमा गएको देखिएको महानिर्देशक श्रेष्ठले जानकारी दिए ।

थ्रोट स्वाव संकलन गर्न मेडिकल ल्याव्रोटरी एसोसिएसन अफ नेपालले आफ्ना प्राविधिक सदस्यहरु परिचालन गरेको बताइएको छ । मेलानले उपत्यका र उपत्यका बाहिरका धेरैजसो नमूना संकलन गर्ने कार्य संक्रिय ढंगले लागेको संस्थाका संरक्षक कृष्ण रिजालले जानकारी दिए ।

समाचार / स्वास्थ्य सामाग्री पढनु भएकोमा धन्यवाद । दोहरो संम्वाद को लागी मेल गर्न सक्नु हुन्छ ।
सम्पर्क इमेल : nepalihealthnews@gmail.com

Leave a Reply

Your email address will not be published. Required fields are marked *