काठमाडौँ, ३० चैत । टेकुस्थित राष्ट्रिय स्वास्थ्य शिक्षा सूचना तथा सञ्चार केन्द्रका निर्देशक सुनीलराज शर्मा गम्भीर विरामी परेका छन् । उनको ग्राण्डी अस्पतालको आइसीयूमा उपचार भइरेको छ ।

अस्पताल स्रोतका अनुसार शर्माको मुटुमा समस्या भएको थियो । उनको एन्जीओप्लास्टी गरिएको छ ।

‘मुटुमा व्लक भएको थियो अहिले एन्जीओप्लास्टी गरि स्टेन्ट हालिएको छ । यतिवेला अवस्था सुधारोन्मुख छ,’ अस्पताल स्रोतले भन्यो ।

स्वास्थ्यमा समस्या भएपछि उनी गत विहीबार उपचारका लागि ग्राण्डी पुगेका थिए ।