काठमाडौँ, १३ चैत । कोरोना भाइरसको उपचारका लागि तयार पारिएका २५ वटा हव अस्पताललाई फिवर क्लिनिक सञ्चालन गर्न १० – १० रुपैयाँ पठाइएको स्वास्थ्य तथा जनसंख्या मन्त्रालयले जनाएको छ ।

विहीबार नियमित पत्रकार सम्मेलनमा स्वास्थ्य सचिव यादव कोइरालाले केन्द्र र प्रदेश तहमा तोकिएका २५ वटा हव अस्पताललाई १० १० लाख रुपैयाँ पठाइएको जानकारी दिए । उनले सोही रकमबाट हव अस्पतालले आवश्यक औषधि तथा उपकरण खरीद गरी सेवा सञ्चालन गर्न भनेका छन् ।

सचिव कोइरालाले फिवर क्लिनिकमा जाँच गरेर कोरोनाको आशंका भएपछि मात्रै थप कोरोना भाइरस टेष्ट गरिने समेत बताए । उनले स्वास्थ्यकर्मीहरुको लागि आवश्यक मास्क तथा औषधीहरुको व्यवस्था मिलाइएको र पीपीईको व्ववस्था समेत हुँदै गरेको दावी गरे ।

उनले अहिलेसम्म ७०० बढीको कोरोना परीक्षण भएको तर ३ जना बाहेकको पोजेटिभ नदेखिएको जानकारी दिए ।

यी हुन् २५ हब अस्पताल

• महाकाली अस्पताल
• डडेल्धुरा अस्पताल
• सेती प्रादेशिक अस्पताल
• भेरी अस्पताल
• राप्ती स्वास्थ्य विज्ञान प्रतिष्ठान
• राप्ती प्रादेशिक अस्पताल
• लुम्बिनी अस्पताल
• भरतपुर अस्पताल
• नारायणी अस्पताल
• जनकपुर अस्पताल
• गजेन्द्र नारायण सिहं सगरमाथा अस्पताल
• बिपी कोइराला स्वास्थ्य विज्ञान प्रतिष्ठान
• कोशी अस्पताल
• मेची अस्पताल
• धुलिखेल अस्पताल
• पाटन अस्पताल
• भक्तपुर अस्पताल
• सिभिल अस्पताल
• त्रिवि  शिक्षण अस्पताल
• विरेन्द्र सैनिक अस्पताल
• वीर अस्पताल
• पोखरा स्वास्थ्य विज्ञान प्रतिष्ठान
• धौलागिरी  अस्पताल
•  कर्णाली स्वास्थ्य विज्ञान प्रतिष्ठान
• प्रादेशिक अस्पताल सुर्खेत