काठमाडौँ, १९ फागुन । बुधबार मिर्गौला प्रत्यारोपण गर्ने तयारीमा रहेका प्रधानमन्त्री केपी शर्मा ओलीका लागि त्रिवि शिक्षण अस्पतालको ६०१ नम्बर क्याविन छुट्याइएको छ । अस्पताल स्रोतका अनुसार यो भिभिआईपी क्याविन हो ।

शिक्षण अस्पतालमा एनेक्स वार्डका ६०१ र ६०२ गरी दुईवटा क्याविन भिआईपीका लागि छुट्याइएको छ ।

प्रधानमन्त्री ओली केही बेरमै त्रिवि शिक्षण अस्पताल पुग्दैछन् । उनलाई आजै भर्ना गरिदैछ ।

बरिष्ठ प्रत्यारोपण सर्जन प्राडा प्रेमराज ज्ञवाली नेतृत्वको टोलीले ओलीको प्रत्यारोपण गर्नेछ । उनका लागि आफ्नो भान्जीले मिर्गौला दान गर्ने भएकी छन् ।