काठमाडौँ, ७ फागुन ।  नेपाल आयुर्वेद चिकित्सा परिषदद्धारा लिईएको आयुर्वेद चिकित्सकहरुको नाम दर्ता (लाईसेन्स) परीक्षामा ५९ प्रतिशत विद्यार्थी उत्तीर्ण भएका छन् ।

परिषदले गत ३ फागुनमा लिएको ब्याचलर अफ आयुर्वेदिक मेडिसिन एण्ड सर्जरी (बीएएमएस)को लाईसेन्स परीक्षामा सहभागी ३९ मध्ये २३ जना उत्तीर्ण भएका हुन् ।

गत वर्षदेखि सुरु भएको परिषद्को लाइसेन्स परीक्षामा ६ महिना इन्टर्नशीप पुरा गरेपछि विद्यार्थीहरुले भाग लिन पाउँछन् ।

नेपालमा त्रिभुवन विश्वविद्यालय अन्तर्गत दुई वटा र नेपाल संस्कृत विश्वविद्यालय अन्तर्गत तीनवटा कलेजमा बीएएमएसको पठनपाठन हुँदै आएको छ । यस्तै भारतबाट पनि बीएएमएस अध्ययन गरेर आउने विद्यार्थीहरुको संख्या उल्लेखनीय मात्रमा छ।

हालसम्म आयुर्वेद चिकित्सा परिषद् मा ७२९ जना आयुर्वेद चिकित्सक दर्ता छन्।