कोरोना भाइरससंग जुधिरहेको चीनलाई नेपाले दियो एक लाख थान मास्क

- नेपाली हेल्थ

काठमाडौँ, २४ माघ । नेपालले नयाँ कोरोना भाइरसको चपेटामा परेको चीनलाई एक लाख थान मास्क सहयोग गरेको छ ।
प्रधानमन्त्री केपी शर्मा ओलीको अध्यक्षतामा विहीबार बसेको उच्चस्तरीय समितिको बैठकको निर्णय अनुसार मास्क सहयोग गरेको हो ।

शुक्रबार परराष्ट्र मन्त्रालयमा आयोजित कार्यक्रममा परराष्ट्रमन्त्री प्रदीप ज्ञवाली र स्वास्थ्यमन्त्री भानुभक्त ढकालले चिनियाँ राजदूत होउ यान्छीलाई मास्क हस्तान्तरण गरेका हुन् ।

कोरोना भाइरससँग जुधिरहेको चीनलाई एक छिमेकीको नाताले साथ दिन मास्क सहयोग गरिएको परराष्ट्र मन्त्रालयले जनाएको छ ।

परराष्ट्र मन्त्रालयमा आयोजित सहयोग सामाग्री हस्तान्तरण कार्यक्रममा नेपालका लागि चिनियाँ राजदूत होउले कोरोना भाइरसको संक्रमणमा नेपाललगायत अन्तर्राष्ट्रिय समुदायबाट प्राप्त सहयोग र एकता चीनका लागि महत्वपूर्ण भएको बताइन् ।

उनले यसबाट चिनियाँ नागरिक र नेतृत्वलाई थप ऊर्जा मिलेको पनि बताइन् ।


Facebook Comment


थप समाचार