प्रदेश नं १ मा स्वास्थ्य हेर्न राज्यमन्त्री पनि थपिए

- नेपाली हेल्थ
जसमाया गजमेर

विराटनगर ६ माघ । प्रदेश नं १ मा स्वास्थ्य हेर्न राज्यमन्त्री थपिएका छन् । मुख्य मन्त्री शेरधन राईले आइतबार मन्त्रिपरिषद विस्तार गर्दै चार वटा मन्त्रालयमा राज्यमन्त्री थप्दा सामाजिक विकास मन्त्रालयमा समेत राज्यमन्त्री थपेका हुन् ।

उनले झापाकी जसमाया गजमेरलाई सामाजिक विकास राज्यमन्त्री बनाएका हुन् ।

यस्तै ओखलढुंगाका अम्बिर गुरुङलाई भौतिक पूर्वाधार राज्यमन्त्री, इलामका रामबहादुर रानामगरलाई भूमि व्यवस्था, र मोरङका विजयकुमार विश्वासलार्य कृषि तथा सहकारी राज्यमन्त्रीमा नियुक्त गरेका हुन् ।

मुख्यमन्त्री राईले उनीहरुलाई आइतबार नै पद तथा गोपनियताको सपथ गराए।

प्रदेश नम्बर १ मा सामाजिक विकास मन्त्रीको जिम्मेवारी भने जीवन घिमिरेले सम्हाल्दै आएका छन् । सामाजिक विकास मन्त्रालयले स्वास्थ्य, शिक्षा, भाषा, संस्कृति तथा पुरातत्व संरक्षण र श्रम तथा रोजगार सम्वन्धी कार्यलयहरु हेर्ने गर्दछ ।


Facebook Comment


थप समाचार