हिउले छोपियो कर्णाली स्वास्थ्य विज्ञान प्रतिष्ठान (फोटो फिचर)
जुम्ला, २७ मंसिर । कर्णाली स्वास्थ्य विज्ञान प्रतिष्ठानलाई यतिवेला हिउले छोपेको छ । विहान करीब साढे ९ बजे देखि खलंगा बजारमा शुरु भएको हिमपात अझै रोकिएको छैन् । बाक्लो हिमपातसंगै दैनिक जनजीवन कष्टकर बनेको छ ।
प्रतिष्ठानका हाडजोर्नी विशेषज्ञ डा मंगल रावलले अढाई घण्टा देखि लगातार हिमपात भएको बताए । उनले हिमपातकै कारण आज अस्पतालमा विरामीको संख्या घटेको जानकारी दिए ।
अहिले त विरामीको संख्या निकै घटेको छ । आकस्मिक बाहेकका विरामी आएका छैनन् भन्दा पनि हुन्छ । बजार पुरै हिउले ढाकेको अवस्था छ ।
अस्पतालका अर्का डाक्टर भुमेश काफ्लेले निरन्तर परिरहेकोले जनजीवन थप कष्टकर बन्न सक्ने बताए । ‘जुम्लाको तापक्रम निकै घटेको छ, चिसो बढेपछि जनजीवन कष्टकर हुने नै भयो,’ उनले भने ।
हिउ परेपछि यस्तो देखियो प्रतिष्ठान र आसपासको क्षेत्र
तस्बिरहरु : डा. भुमेश काफ्ले / विश्वराज काफ्ले
सम्पर्क इमेल : nepalihealthnews@gmail.com