काठमाडौँ, ८ मंसिर। सरकारले तीनवटा अस्पतालको स्तरोन्नती गरेको छ । आज बसेको मन्त्रिपरिषदको बैठकले हेटौडा अस्पताल मकवानपुर, सेती अञ्चल अस्पताल धनगडी र भीम अस्पताल भैरहवा रुपन्देहीको स्तरोन्नती गरेको हो ।

बैठकले १०० बेडको हेटौडा अस्पताललाई ३०० बेडमा, ५० बेडको सेती अञ्चल अस्पताललाई ३०० बेडमा र २५ बेडको भीम अस्पताल रुपन्देहीलाई ५० बेडमा स्तरउन्नती गरेको हो ।

आजको बैठकले स्वास्थ्य मन्त्रालयको रिक्त १२ औँ तहको दुईवटा पदमा क्रमश डा तरुण पौडेल र डा सुशीलनाथ प्याकुरेललाई बढुवा गर्ने निर्णय गरेको छ ।