काठमाडौं, ११ भदौ । भोटेकोशी त्रिशुली नदीमा आएको भिषण बाढीका सबै घाइतेको बागमती प्रदेश सरकारले निःशुल्क उपचार गर्ने भएको हो ।

बागमतीको सामाजिक विकास मन्त्रालयले भोटेकोशी बाढीबाट घाइते भएकाहरुको प्रदेशअन्तर्गतका प्रादेशिक अस्पतालमा निःशुल्क उपचार गर्ने जनाएको छ ।

मन्त्रालयले एक विज्ञप्ती जारी गर्दै रसुवा, नुवाकोट, धादिङलगायत जिल्लामा बाढीबाट प्रभावित तथा घाइते भएका नागरिकलाई शीघ्र स्वास्थ्य लाभको कामना गर्दै नजिकको प्रादेशिक अस्पतालमा सम्पर्क गरी निःशुल्क उपचार सेवा लिन समेत आग्रह गरेको छ ।