काठमाडौँ, १७ असार । नेपाल चिकित्सक संघले चिकित्साशास्त्र तर्फ एमडीएमएस तहको अध्ययनका लागि मेरिट लिष्टको आधारमा विद्यार्थी भर्ना गर्न सम्वन्धीत निकायको ध्यानाकर्षण गराएको छ ।

शनिबार विज्ञप्ती जारी गर्दै संघले तोकिएको शुल्क र मेरिट लिष्ट(योग्यताक्रम) को आधारमा विद्यार्थीको भर्ना लिन आग्रह गरेको हो ।
संघका महासचिव डा लोचन कार्कीद्धारा जारी विज्ञप्तीमा गत बुधबार सर्वोच्च अदालतले दिएको आदेशको उल्लेख गर्दै सो आदेशको सम्मान गर्दै मेरिट लिष्ट र तोकिएको शुल्कमा भर्ना लिन आग्रह गरिएको छ ।